Պապարացիները լուսանկարել են մասնավոր կղզում հանգստացող Բարաք և Միշել Օբամաներին

ԱՄՆ նախկին նախագահ 44-ամյա Բարաք Օբաման և նրա կինը՝ Միշել Օբաման, պաշտոնաթողությունից հետո իրենց առաջին հանգիստն անցկացնում են Վիրջինյան կղզիներում, ավելի կոնկրետ՝ մասնավոր կղզիներից մեկում, որը պատկանում է միլիարդատեր Ռիչարդ Բրենսոնին: Լուսանկարները հրապարակվել են Daily Mail-ի տաբլոիդում, փոխանցում է Life.ru-ն:

Լուսանկարներում ԱՄՆ նախկին նախագահը երջանիկ տեսք ունի: Նա կնոջ հետ նախաճաշել է կղզու տիրոջ ընկերակցությամբ, ով Մեծ Բրիտանիայի ամենահարուստ մարդկանցից մեկն է:

Ի դեպ, նույնիսկ հանգստանալիս Օբաման քաղաքական կյանքից հեռու չէ՝ նախօրեին նա իր մամուլի քարտուղարի միջոցով հայտարարություն է տարածել, որով քննադատել է իր հետնորդի միգրացիոն քաղաքականությունը և աջակցել է մտցված արգելքի դեմ բողոքողներին: