Եղանակի մատուցած տհաճ անակնկալները

Փետրվարի 1-ին, ժամը 17.18-ին տեղեկություն է ստացվել, որ Լեռնապար-Ապարան ավտոճանապարհին ավտոմեքենաներն արգելափակվել են ձյան մեջ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ Լեռնապար-Գեղարոտ ավտոճանապարհի 1-ին կմ-ին փրկարարներն արգելափակումից դուրս են բերել 2 մարդատար ավտոմեքենա (3 ուղևոր):

***

Փետրվարի 1-ին, ժամը 17.09-ին ահազանգ է ստացվել, որ Երևան քաղաքի Շահումյան-2 գերեզմանատանը ավտոմեքենան արգելափակվել է ձյան մեջ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Փրկարարները «Opel Astra G» մակնիշի 34 PF 020 պետհամարանիշով (վարորդ` Զ. Բ.) ավտոմեքենան դուրս են բերել արգելափակումից: