Լատվիայում ՀՀ դեսպանը հանդիպել է Լատվիայի Սաեյմայի նախագահության քարտուղարությանը

Լատվիայում ՀՀ դեսպան Տիգրան Մկրտչյանը (նստավայրը՝ Վիլնյուս) հունվարի 26-ին հանդիպել է Լատվիայի Սաեյմայի (խորհրդարան) նախագահության քարտուղար Անդրեյ Կլեմենտևսի և Լատվիա-Հայաստան միջխորհրդարանական բարեկամության խմբի ղեկավար Սերգեյ Պոտապկինի հետ։

Ինպես հայտնում են ԱԳՆ լրատվության և հասարակայնության հետ կապերի վարչությունից, հանդիպմանը կողմերը գոհունակություն են հայտնել երկու երկրների խորհրդարանների միջև ձևավորված սերտ փոխգործակցության առնչությամբ և քննարկեցին Հայաստանում կայանալիք խորհդարանական ընտրություններից հետո օրենսդիր մարմինների միջև համագործակցությունն առավել խորացնելուն ուղղված քայլերը:

Զրուցակիցները կարևորել են հայ-լատվիական միջկառավարական հանձնաժողովի հերթական նիստն առաջիկայում անցկացնելու անհրաժեշտությունը։ Անդրադարձ կատարվեց առաջիկայում երկկողմ այցերի կազմակերպմանը:

Դեսպան Մկրտչյանը Լատվիայի Սաեյմայի նախագահության քարտուղարին ներկայացրել է երկու երկրների միջև համագործակցության հեռանկարային մի շարք ուղղություններ, մասնավորպես՝ տնտեսության և մշակույթի բնագավառներում: