Թուրքիայում 2000 ֆուտբոլիստի դեմ մեղադրանք է առաջադրվել

Թուրքիայի հանրապետական դատախազությունը որոշում է  ընդունել՝ ուսումնասիրել 2008 թվականից մինչ օրս թուրքական ֆուտբոլում տեղի ունեցած բոլոր հանդիպումները, տրանսֆերներն ու գործարքները: Ըստ Nturkiye-ի՝ նման որոշում է կայացվել հակագյուլենական շարժման դեմ երկրում ընթացող գործողությունների շրջանակներում:

Դատախազության հրամանով՝ կուսումնասիրվեն բոլոր ֆուտբոլիստների, մարզիչների, ակումբների նախագահների ու այլ պատասխանատուների գործերը:

Ներկայումս հետաքննության շրջանակներում 2000 ֆուտբոլիստի վերաբերյալ մեղադրական եզրակացություն է պատրաստվել: Նրանք մեղադրվում են գյուլենական կազմակերպությունների հետ գործակցելու մեջ: Մեղադրանք է ներկայացվել նաև 18 մրցավարի՝ ֆուտբոլում գյուլենական ցանց հիմնելու համար: