«Ես նրա մեծագույն երկրպագուն են». Առնոլդ Շվարցենեգերը հանդիպել է Հռոմի պապի հետ

Ավստրիական ծագմաե ամերիկացի մարզիկ, կինոդերասան, Կալիֆոռնիայի նախկին նահանգապետ Առնոլդ Շվարցենեգերը Վատիկանում հանդիպել է Հռոմի Ֆրանցիսկոս պապի հետ:

The Washington Post-ի հաղորդմամբ՝ Հռոմի պապի հետ իր հանդիպումից լուսանկար համացանցի իր էջում տեղադրած Շվարցենեգերը հիացմունքով է արտահայտվել Ֆրանցիսկոս պապի մասին:

«Ինձ համար պատիվ էր հանդիպել Նորին սրբության հետ: Ես նրա մեծագույն երկրպագուն եմ: Նա իսկական առաջնորդ է եկեղեցու համար և ուղղորդող Աստծո արարածներին»,- գրել է նա իր Twitter-յան էջում:

Հանդիպման ընթացքում Շվարցենեգերն ու Հռոմի պապը քննարկել են շրջակա միջավայրին վերաբերող մի շարք հարցեր: Հայտնի դերասանը ցանկություն է հայտնել աշխատել միասին մաքուր էներգիայի ապագայի համար: