Եվրոպացի ֆերմերները կաթի փոշի են շաղ տվել Բրյուսելում Եվրոպայի Խորհրդի շենքի պատերի մոտ

Ֆերմերները Եվրամիության անդամ գրեթե բոլոր երկրներից երկուշաբթի կաթի փոշի են շաղ տվել Բրյուսելում Եվրոպայի Խորհրդի շենքի պատերի մոտ՝ ի նշան կաթի արտադրության ոլորտում տիրող վիճակի դեմ բողողքի։ Այս մասին հաղորդում է Gazeta–ն՝ վկայակոչելով Le Soir պարբերականը։

Բրյուսելում ներկայում ընթանում է ԵՄ գյուղատնտեսության նախարարների հանդիպումը, եւ կաթնամթերքի շուրջ 150 արտադրող հավաքվել է Բելգիայի մայրաքաղաքում՝ իրենց խնիրների նկատմամբ ուշադրությունը հրավիրելու։

Կաթի եվրոպական միավորման ներկայացուցիչ Էրվին Շոպժեսի կարծիքով, «ֆերմերներին այնքան է վախեցնում ճգնաժամը, որ միայն գների իրական աճը եւ կայունությունը ոլորտում կարող են օգնել, որպեսզի կաթի արտադրության ոլորտը գոյատեւի ԵՄ–ի բոլոր պետություններում»։