Բունդեսթագին Հայոց ցեղասպանության ճանաչման նախագիծը ներկայացրած թուրք պատգամավորը հանդիպել է Կանադայի հայ համայնքի հետ

Գերմանիայի խորհրդարանի` թուրքական ծագում ունեցող անդամ Ջեմ Օզդեմիրին, ով Բունդեսթագի քննարկմանն էր ներկայացրել Հայոց ցեղասպանության մասին բանաձևը, մասնակցել է Կանադայի Մոնրեալ քաղաքում պոլսահայ լրագրող, «Ակօս» թերթի հիմնադիր և նախկին խմբագիր Հրանտ Դինքի մահվան 10-րդ տարելիցին նվիրված միջոցառմանը: 

Այս մասին գրում է կանադահայ համայնքի պարբերականներից «Հորիզոնը»: 

Օզդմեիրն իր ելույթում նշել է, որ Թուրքիայի իշխանությունների կողմից հնչեցված այն պնդումները, թե 1915-ին այդ երկրում ոչինչ տեղի չի ունեցել` այլևս անիմաստ են: 

Նա նաև նշել է, որ Հրանտ Դինքը փափագում էր, որպեսզի Հայոց ցեղասպանության ճանաչումից զատ սկիզբ դրվի հայ-թուրքական երկխոսությանը: Օզդեմիրը շեշտեց, որ Բունդեսթագին ներկայացված նախագծում նրան հստակորեն խոսում են հաշտեցման փուլի մասին, որն ըստ իրենց կարող է սկիզբ առնել հայ-թուրքական սահմանի բացմամբ, մինչդեռ այդ ամենը իրականություն կարող է դառնալ միայն ցեղասպանության ճանաչումից հետո: