Հին Հալեպի 30 տոկոսն ամբողջությամբ ոչնչացվել է. ՅՈՒՆԵՍԿՕ

Հին Հալեպի մոտ 60 տոկոսը մեծ վնասներ է կրել «Իսլամական պետություն» ահաբեկչական խմբավորման գործողությունների հետևանքով, իսկ 30 տոկոսն ամբողջությամբ ոչնչացվել է: Սա ՅՈՒՆԵՍԿՕ-ի փորձագետների պատվիրակության նախնական գնահատականն է. հայտնում է РИА Новости-ն:

ՅՈՒՆԵՍԿՕ-ի պատվիրակությունն այցելել է ահաբեկիչներից ազատագրված Հալեպ հունվարի 16-19-ը` քաղաքի պատմամշակութային հուշարձաններին հասցված վնասի գնահատականը տալու:

Հալեպի միջնաբերդը, որը կառուցվել է 10-րդ դարում, 1986-ին ընդգրկվել էր ՅՈՒՆԵՍԿՕ-ի Համաշխարհային ժառանգության ցուցակում: Վերջին անգամ ահաբեկիչներն այն փորձել էին պայթեցնել 2012-ի օգոստոսին: