Մինսկյան պայմանավորվածությունները չեն կատարվել. Վաշչիկովսկի

Լեհաստանի արտաքին գործերի նախարար Վիտոլդ Վաշչիկովսկին հիմքեր չի տեսնում Ռուսաստանի դեմ պատժամիջոցների վերացման հարցը քննարկելու համար: Այս մասին Լեհաստանի արտաքին քաղաքական գերատեսչության ղեկավարը հայտարարել է Դավոսում Միջազգային տնտեսական ֆորումի ընթացքում:

«Մենք չպետք է այդ հարցը քննարկենք: Մենք պետք է շարունակենք, քանի որ պատժամիջոցների վերացման համար հիմքեր չկան: Մինսկյան պայմանավորվածությունները չեն կատարվել»,-­ ընդգծել է Վաշչիկովսկին:

Անդրադառնալով Լեհաստանի տարածքում ՆԱՏՕ-­ի ուժերի համալրմանը՝ Լեհաստանի ԱԳ նախարարը շեշտել է, որ դրա արդյունքում իր երկիրն առավել պաշտպանված է զգում: «Մենք որոշել ենք պաշտպանվել, սակայն նաև երկխոսություն վարել Ռուսաստանի հետ: Հիմա նրանցից է կախված, թե ինչպես կօգտվեն այդ հնարավորությունից»,-­ ամփոփել է լեհ նախարարը: