Ադրբեջանը Ռուսաստանի հետ բանակցություններ է վարում նոր զենքի մատակարարման վերաբերյալ

Ադրբեջանը Ռուսաստանի հետ բանակցություններ է վարում նոր զենքի մատակարարման վերաբերյալ, շահագրգռված է պաշտպանության նորագույն համակարգերի ձեռք բերմամբ. Դավոսում РИА Новости-ի թղթակցին ասել է Ադրբեջանի նախագահ Իլհամ Ալիևը:

«Այո, մենք բանակցում ենք նոր գնումների վերաբերյալ: Ձեզ ավելի լավ է հայտնի, թե որքան զարգացած է ռուսաստանյան ռազմական արդյունաբերությունը: Մենք հիմնականում հետաքրքրված ենք ժամանակակից պաշտպանական սպառազինության ձեռք բերմամբ, նոր մշակումներով: Դա վերաբերում է և' ուղղաթիռային տեխնիկային, և' պաշտպանական համակարգերին: Դա մշտական գործընթաց է»,- նշել է նա:

Ալիևի խոսքով` ստորագրված են մոտ 5 մլրդ դոլարի պայմանագրեր, որոնց մեծ մասը կատարվել է: