Մարզպետը ներկայացրել է Կապանի ԲԿ-ի տնօրենի պաշտոնակատարին

ՀՀ Սյունիքի մարզպետ Վահե Հակոբյանն այսօր «Կապանի բժշկական կենտրոն» ՓԲԸ-ի աշխատակազմին է ներկայացրել բժշկական կենտրոնի տնօրենի ժամանակավոր պաշտոնակատար Ռոմիկ Սարգսյանին, ով մինչ այդ հանդիսանում էր «Կապանի պետական բժշկական քոլեջ» ՊՈԱԿ-ի տնօրենը: 

Սյունիքի մարզպետարանի կայքից հայտնում ենք, որ իր ելույթում Վահե Հակոբյանը վստահություն է հայտնել, որ Ռ.Սարգսյանի մասնագիտական փորձն ու գիտելիքները կծառայեն բժշկական կենտրոնի զարգացման գործին: Բժշկական կենտրոնի տնօրենի նորանշանակ պաշտոնակատար Ռոմիկ Սարգսյանն իր հերթին շնորհակալություն է հայտնել մարզպետ Հակոբյանին վստահության համար՝ նշելով, որ ծանոթ է բուժանձնակազմին: Նա ասել է, որ ջանք չեն խնայի կարճ ժամանակում բուժհաստատությունում առկա խնդիրները համատեղ ուժերով լուծելու համար:

Ելույթ է ունեցել նաև Կապանի բժշկական կենտրոնի նախկին տնօրեն  Սմբատ Օրբելյանը: Նա հրաժեշտ է տվել անձնակազմին՝ շնորհակալություն հայտնելով համատեղ աշխատանքի համար: