Պեկինը Թրամփի երդմնակալությանը մասնակցելու հրավեր չի ստացել

Չինաստանը հրավեր չի ստացել մասնակցելու ԱՄՆ-ի 45-րդ նախագահի երդմնակալության արարողությանը, որը Վաշինգթոնում կայանալու է հունվարի 20-ին: Այդ մասին երկուշաբթի հայտարարել Է ՉԺՀ-ի ԱԳ նախարարության պաշտոնական ներկայացուցիչ Հուա Չունյինը, փոխանցում է ТАСС-ը:

«ԱՄՆ-ը պաշտոնական ներկայացուցիչներին չի հրավիրել արարողությանը»,-ասել է դիվանագետը:

ԱՄՆ-ի 45-րդ նախագահի պաշտոնակալության արարողությունը տեղի է ունենալու հունվարի 20-ին: Ինչպես ավելի վաղ հայտնել են նորընտիր նախագահ Դոնալդ Թրամփի շտաբում, հանդիսությունները կսկսվեն վաղօրոք, դեռ հունվարի 17-ին: Նախատեսվում են մի քանի ընդունելություններ ի պատիվ ԱՄՆ-ի նորընտիր նախագահի և փոխնախագահի, նաև Թրամփի կողմից կազմավորվող վարչակազմի նախարարների: