Հրազդանում 32-ամյա երիտասարդի են դանակահարել

Yerkir.am-ի տեղեկություններով՝ երեկ դանակահարություն է տեղի ունեցել Հրազդանում: Գիշերային ակումբում տեղի ունեցած վիճաբանության ժամանակ դանահարել են 32-ամյա երիտասարդի:

Ոստիկանությունից Yerkir.am-ին հայտնեցին, որ ժամը 01-ի սահմաներում Հրազդան ԲԿ-ից ոստիկանության բաժին ահազանգ է ստացվել, որ կրծքավանդակի ձախ կեսի կտրած- ծակած թափանցող վերք, աջ ամրակային շրջանի կտրած վերք ախտորոշմամբ իրենց մոտ է տեղափոխվել 1985 թ. ծնված տղամարդ:

Մեր տեղեկություններով՝ երիտասարդին արդեն վիրահատել են:

Վարկածներից մեկի համաձայն՝ նախքան դանակահարությունը երիտասարդները վիճաբանել են նախկինում ունեցած տարաձայնությունների շուրջ:

Քննություն է տարվում հանցագործություն կատարած անձի ինքնությունը պարզելու, դեպքի հանգամանքները բացահայտելու ուղղությամբ: