Անկարայում մեկ ամսով արգելվել են զանգվածային ցույցերը

Անկարայի քաղաքապետ Իբրահիմ Մելիք Գյոքչեքը, անվտանգության նկատառումներից ելնելով, մեկ ամսով արգելել է քաղաքում անցկացնել ցանկացած տեսակի հանրահավաքներ, ցույցեր և երթեր, հաղորդում է Al Jazeera-ն։

«Քաղաքապետին ներկայացված հետախուզության տեղեկությունների համաձայն՝ քաղաքում գործում է ահաբեկչական կազմակերպություն, որն ահաբեկչական գործողություններ է նախապատրաստում մարդկանց զանգվածային հավաքույթների վայրերում։ Մասնավորապես, տեղեկություն կա այն մասին, որ նրանք մտադիր են ահաբեկչական ակտ իրականացնել երթի ժամանակ», - ասված է քաղաքապետարանի հայտարարության մեջ։
Նշվում է, որ արգելքը մտցվել է մարդկանց կյանքի ու սեփականության անվտանգությունն ապահովելու, ինչպես նաև՝ հասարակական կարգն ու խաղաղությունը պահպանելու համար։

Կանոնակարգի խախտումը հանգեցնում է իրավական և վարչական միջոցների միջոցառումների կազմակերպիչների և մասնակիցների հանդեպ։