Հակառուսական պատժամիջոցները Թրամփին ընտրության առաջ են դրել

ԱՄՆ նախագահ Բարաք Օբաման իր հետնորդ Դոնալդ Թրամփին կոշտ ընտրության առաջ է կանգնեցրել՝ հանել Օբամայի վարչակազմի սահմանած հակառուսական պատժամիջոցները կամ սպառնալիքի տակ դնել իր Ռուսաստանի հետ հարաբերությունները կարգավորելու նախընտրական խոստումը, գրում է Bloomberg–ը։

Գործակալությունը նշում է, որ այն ժամանակ, երբ պատժամիջոցները կարող են հանվել գրիչի մի հարվածով, Թրամփը կարող է ճնշում զգալ ԱՄՆ Կոնգրեսի առանցքային անդամների կողմից, որոնք իրենց աջակցությունն են հայտնել նախագահ Օբամային։

Նա նաեւ կարծում է, որ նոր վարչակազմի համար շատ դժվար է լինելու ամերիկացիներին համոզել, որ անհրաժեշտ է հանել հակառուսական պատժամիջոցները։