Պուտինը շնորհավորել է Օբամայի, Թրամփի եւ ամերիկացիների Նոր տարին

Ռուսաստանի նախագահ Վլադիմիր Պուտինը շնորհավորել է ԱՄՆ գործող նախագահ Բարաք Օբամայի եւ նրա ընտանիքի անդամների Նոր տարին: Այս մասին նշված է Կրեմլի կայքում:

Առաջիկա տոնի առթիվ նա նաեւ շնորհավորել է ԱՄՆ նորընտիր նախագահ Դոնալդ Թրամփին եւ ամերիկացի ժողովրդին: Պուտինը ափսոսանք է հայտնել, որ ամերիկյան հեռացող վարչակազմը տարին եզրափակել է Մոսկվայի դեմ նոր պատժամիջոցներ սահմանելով:

«Ցավալի է, որ նախագահ Բարաք Օբամայի վարչակազմը իր աշխատանքն այդ կերպ է ավարտում, այդուհանդերձ շնորհավորում եմ նրա եւ նրա ընտանիքի անդամների Նոր տարին: Շնորհավորում եմ նաեւ ընտրված նախագահ Դոնալդ Թրամփին, ամերիկացի ժողովրդին:Բոլորին բարեկեցություն եւ բարգավաճում եմ մաղթում»,- ասել է նախագահը: