«Սա քաղաքական սպանություն է». Թուրքիայում քրդամետ կուսակցությունը հայտարարություն է տարածել

Թուրքիայի քրդամետ Ժողովուրդների դեմոկրատական կուսակցությունը հայտարարություն է տարածել ՌԴ դեսպան Անդրեյ Կառլովի սպանության վերաբերյալ:

Հայտարարության մեջ մասնավորապես ասվել է. «Անկարայում ՌԴ դեսպանի սպանությունը կտրականապես դատապարտում և մեր խոր վիշտն ենք հայտնում այդ կապակցությամբ: Ցավակցում ենք Անդրեյ Կառլովի ընտանիքին և ՌԴ ժողովրդին:

Տեղի ունեցած այս քաղաքական սպանությունը նույնպես ցույց տվեց, որ ներքին և արտաքին քաղաքականության պատճառով Թուրքիան անվտանգ չէ:

Մակերեսային և հատուկ նպատակ հետապնդող բացահայտումներից խուսափելով՝ պետք է հարցաքննության միջոցով անհապաղ բացահայտել այս քաղաքական սպանության պատասխանատուներին, հրահրողներին, աջակցողներին և  բոլորից պատասխան պահանջել՝ օրենքից առաջ»: