Թեւան Պողոսյանին մեղադրեցին «գործ տվող» լինելու մեջ

Շարունակվում է կառավարության կողմից հրավիրված ԱԺ արտահերթ նստաշրջանը: Վարման կարգով ելույթ ունեցավ ԱԺ պատգամավոր Թևան Պողոսյանը: Նա խնդրեց վերականգնել գրանցման պատկերը: Պատգամավորի կարծիքով` մարդիկ կան, ովքեր, ներկա չլինելով, գրանցված են, և գրանցման էկրանին նրանց կանաչ լույսն է վառված:

Սա դուր չեկավ Գալուստ Սահակյանին: Նա պատասխանեց, որ, սովորաբար, քվեարկություններից հետո է պատկերը վերականգնվում, ոչ թե քվեարկությունից առաջ:

Դահլիճից մեկն էլ Պողոսյանին մեղադրեց գործ տվող լինելու մեջ:

«Արխային, ուրախ եմ, եթե, հանուն իմ ազգի ու օրենքի, կարելի է գործ տվող համարվել, թող տենց էլ լինի»,- հակադարձեց Թեւան Պողոսյանը:

Արդյունքում` մեկ «կողմ» ձայն հանվեց: