Վրաստանը և Ուկրաինան մոտ են ԵՄ-ի հետ առանց վիզայի ռեժիմին հասնելուն

ԵՄ Խորհուրդը, Եվրախորհրդարանը և Եվրահանձնաժողովը համաձայնագիր են ստորագրել Վրաստանի և Ուկրաինայի քաղաքացիներին առանց վիզայի ռեժիմ տրամադրելու ծրագրի վերաբերյալ. հայտնում է РИА Новости-ն:

Կողմերը փոխզիջման են հասել արտակարգ դեպքերում առանց վիզայի ռեժիմը դադարեցնել թույլատրող մեխանիզմի շուրջ:

Ներկայումս համաձայնագրի օգտին պետք է քվեարկի Եվրախորհրդարանը, այնուհետև ԵՄ խորհուրդը պետք է պաշտոնապես հաստատի այն:

2015 թվականի դեկտեմբերին Եվրահանձնաժողովը հայտնել էր, որ Վրաստանը և Ուկրաինան կատարել են ԵՄ-ի հետ վիզային ռեժիմի սահմանման համար անհրաժեշտ բոլոր պայմանները, սակայն Բրյուսելը մինչ այժմ չէր ընդունել համապատասխան որոշումը: