Մաքսային մարմինները և բանկերը կաշխատեն արտակարգ ռեժիմով

Այսօր` կառավարության նիստից առաջ, վարչապետ Կարեն Կարապետյանը հանձնարարեց ՊԵԿ-ին, հաշվի առնելով գալիք ամանորյա տոները, մաքսային մարմինների աշխատանքի անընդհատությունն ապահովելու նպատակով սահմանել աշխատանքային ռեժիմի հստակ գրաֆիկ ՝ ներառելով դեկտեմբեր ամսվա ոչ աշխատանքային և հունվար ամսվա տոնական օրերը:

«Պարո'ն Հարությունյան, սա շատ լավ առիթ է արտակարգ ռեժիմ սահմանելու համար, որ մաքսիմալ հարմարավետ պայմաններ ստեղծվեն ներկրողների համար»,- ՊԵԿ նախագահին դիմեց վարչապետը:

Կարեն Կարապետյանը դիմեց նաև ԿԲ նախագահին` հանձնարարելով տոնական օրերին և նախատոնական օրերի շաբաթ, կիրակի օրերին բանկերի աշխատանքն ապահովել: