Արծվիկ Մինասյանի հորդորը` Սևանա լճի ավազանի բնակիչներին

ԱԺ-ում կառավարության հետ հարցուպատասխանի ժամանակ ՀՀԿ-ական պատգամավոր Վահրամ Մկրտչյանը հարց ուղղեց բնապահպանության նախարարությանը սիգի արդյունահանման ու արգելքի վերաբերյալ:

Բնապահպանության նախարար Արծվիկ Մինասյանը պատասխանեց, որ դեկտեմբերի 1-25-ը և հունվարի 7-20-ը հայտարարվել է սիգի որսի արգելքի շրջան, որի նպատակը սիգի վերարտադրությանը նպաստելն է: Նախարարը նշեց, որ, այս պահի դրությամբ, միջոցառումներ են իրականացվում Սևանա լճի ափամերձ հատվածներում, մայրաքաղաքի շուկաներում՝ համապատասխան հսկողական միջոցների գործադրմամբ, որպեսզի կանխարգելեն սիգի ապօրինի որսը:

«Հիմնական հորդորս է Սևանի ավազանի բնակիչներին, որ ըմբռնումով մոտենան սիգի որսի հետ կապված սահմանափակմանը, զերծ մնան սահմանված ժամանակահատվածում սիգի և խեցգետնի որս իրականացնելուց, որպեսզի ապագայում կարողանանք գոնե 65-70 տոկոս վերարտադրություն ունենալ»,- ասաց Արծվիկ Մինասյանը: