ՍԴ անդամը փորձել է ատրճանակի լիցքավորված փամփշտակալ տեղափոխել Մոսկվա. «Հայկական ժամանակ»

«Հայկական ժամանակ» թերթը գրում է. «Մեր աղբյուրները հայտնում են, որ երեկ առավոտյան Երեւան-Մոսկվա ավիաչվերթից առաջ հետաքրքիր միջադեպ է տեղի ունեցել. բավական անախորժ վիճակում է հայտնվել նույն չվերթով (VIP սրահով) Մոսկվա մեկնող ՍԴ անդամ Աշոտ Խաչատրյանը: Սահմանադրական դատարանի դատավորը որոշել է Մոսկվա մեկնել, պատկերավոր ասած, ոչ միայնակ:

Բանն այն է, որ զննման ժամանակ նրա մոտ հայտնաբերել են ատրճանակի լիցքավորված փամփշտակալ: Դեպքի վայր են ժամանել օդանավակայանի անվտանգության աշխատակիցները եւ այլ իրավապահներ: Հատկանշական է, որ ՍԴ անդամն ունի դիվանագիտական անձնագիր եւ շատ է զարմացել, որ իրեն զննել են:

Նրա մոտից առգրավել են փամփշտակալը, որից հետո դեռեւս չպարզված հանգամանքներում հնարավոր է դարձել միջադեպը հարթել եւ բարձր դատարանի անդամին թույլատրել են մուտք գործել ինքնաթիռ»:

Առավել մանրամասն՝ թերթի այսօրվա համարում