Թուրքիայում BBC-ի և «Ամերիկայի ձայն»-ի լրագրողներ են ձերբակալվել

Նոյեմբերի 26-ին ներկայիս Թուրքիայի տարածքում գտնվող հայկական Սղերդ (այժմ՝ քրդաբնակ Սիիրթ) և Տիգրանակերտ (Դարբեիքիր) նահանգներում բերման են ենթարկվել BBC-ի թուրքական  և «Ամերիկայի ձայն»-ի քրդական ծառայությունների թղթակիցները:

Ըստ Diken-ի՝ «Հարավարևելյան լրագրողների համայնք» կազմակերպության  հիմնադիր անդամ, Սղերդում BBC-ի  թղթակից Հաթիջե Քեմերը բերման է ենթարկվել Շիրվան շրջանի Մադեն գյուղում՝ փլուզված պղնձի հանքահորի մոտ նկարահանումներ անելիս: Նա հետագայում ազատ է արձակվել՝ ոստիկանական բաժնում ցուցմունք տալուց հետո: Լրագրողին ձերբակալելու պատճառը դեռևս մնում է անհայտ:

Անհայտ պատճառներով ձերբակալվել է նաև Դիարբեքիրում «Ամերիկայի ձայն»-ի թղթակից Խաջիջան Ֆարքինը, ով հետագայում ևս` ցուցմունք տալուց հետո, ազատ է արձակվել: