Բժշկական համալսարանի ռեկտորի պաշտոնի համար չեն շտապում մրցույթ հայտարարել

Մխիթար Հերացու անվան բժշկական համալսարանում կարծես չեն շտապում ռեկտորի թափուր հաստիքի համար մրցույթ հայտարարել: Yerkir.am-ին համալսարանի մամուլի բաժնից տեղեկացրին, որ դեռևս մրցույթ չի հայտարարվել: Հայտնեցին նաև, որ, ԲՈՒՀ-ի ռեկտորի ընտրության կանոնակարգի համաձայն, ընտրությունը կազմակերպվում է հոգաբարձուների խորհրդի կողմից:

Հիշեցնենք, որ նոյեմբերի 4-ին բուհի ռեկտորի պաշտոնակատար էր ընտրվել ՀՀ առողջապահության նախկին նախարար Արմեն Մուրադյանը: Միքայել Նարիմանյանը ազատվել էր բուհի ռեկտորի պաշտոնից` սեփական դիմումի համաձայն:

Ուշագրավ է, որ 2012-ին` բուհի ռեկտորի ընտրությունների ժամանակ, Միքայել Նարիմանյանը միակ թեկնածուն էր, ով էլ փակ քվեարկության արդյունքում միաձայն ընտրվել էր: Այս անգամ նույնպես նախատեսվում է, որ այլ թեկնածուներ չեն լինելու, քանի որ հստակ է` Արմեն Մուրդայանն է ղեկավարելու բուհը: