Խոշորացված 18 համայնքների զարգացմանն ուղղվելու է 12 մլն դոլար՝ գումարած պետության համաֆինանսավորումը. Դավիթ Լոքյան

Տարածքային կառավարման ոլորտը կարգավորող հանձնաժողովում այսօր քննարկվում էր 2017թ. բյուջեի նախագիծը: ՀՀԿ-ական պատգամավոր Խոսրով Հարությունյանը հարցրեց համայնքային ֆինանսավորման ծրագրերի մասին: Տարածքային կառավարման եւ զարգացման նախարար Դավիթ Լոքյանը նշեց, որ, իհարկե, կան համայնքային ֆինանսավորման ծրագրեր:

Տարածքային կառավարման եւ զարգացման նախարարությունը ֆիքսել է մի գաղափար, որը կոչվում է տարածքային ֆինանսավորման կառույց, որի միջոցներն ուղղվելու են տարածքային զարգացման այս կամ այն գործառույթը իրականացնելուն: Ինչ վերաբերում է խոշորացված համայնքներին, ապան Լոքյանի խոսքով, խոշորացված 18 համայնքների զարգացմանն ուղղվելու է 12 մլն դոլարի ներարկում օտարերկրյա դոնոր կազմակերպությունների կողմից, իսկ պետությունը կհամաֆինանսավորի այդ ծրագրերը: