Պաշտոնանկ է արվել կոմայի մեջ գտնվող` Պոլսի հայոց պատրիարք Մեսրոպ Մութաֆյանը

Պոլսո (Ստամբուլի) հայոց պատրիարքարանի պաշտոնական կայքը տեղեկացնում է, որ Պոլսի հայոց պատրիարքի փոխանորդ Արամ արքեպիսկոպոս Աթեշյանի հրավերով կայացել է Եկեղեցական ընդհանուր համագումար, որի ընթացքում որոշում է կայացվել ներկայիս պատրիարք Մեսրոպ արքեպիսկոպոս Մութաֆյանին պաշտոնանկ անել, ով երկար ժամանակ է՝ գտնվում է կոմայի մեջ:

Կայքի հաղորդմամբ՝ ներկայումս թափուր է պատրիարքական գահը, սպասվում է նոր պատրիարքի ընտրության: Ժողովի ընթացքում որոշվել է նաև Մեսրոպ Մութաֆյանին կոչել «պատրիարք ի հանգստյան»:

Նշենք, որ Պոլսո պատրիարք Մութաֆյանը կոմայի մեջ է 2008 թվականից:  Նրա փոխարեն այդ լիազորությունները կատարում է արքեպիսկոպոս Արամ Աթեշյանը, սակայն արդեն երկար ժամանակ է՝ պոլսահայությունը պահանջում է կայացնել որոշում, որով կթույլատրվի այդ պաշտոնին նշանակել իրենց կողմից ընտրված անձի: Նրանք չեն ցանկանում տեսնել պետության կողմից նշանակված անձի: