Դու շպիոն ես. Ծառուկյանը՝ լրագրողին

ԲՀԿ նախկին առաջնորդ Գագիկ Ծառուկյանն այսօր լրագրողների հետ զրույցում լրագրողներից մեկին մեղադրեց լրտես լինելու մեջ:

«Եթե Ծառուկյանը կարողանում է 2000 խանութ տրամադրի փոքր ու միջին գործարարին՝ երկու-երեք տարի անվճար, որ մարդը կարողանա շնչի, էլ ինչի՞ մասին է խոսքը»,- ասաց նա՝ խոսելով իր՝ գործարարներին ցուցաբերած օգնության մասին:

Լրագրողի դիտարկմանը, թե «տրամադրած խանութներ» ասվածը վերաբերում է միայն տարածքներին, և գործարարներն էլ իրենց ներդրումն են ունենում այդ գործում, այսինքն՝ միայն Ծառուկյանի միջոցներով չէ, որ գործում են այդ խանութները, Ծառուկյանը հակադարձեց՝ լրագրողին անվանելով «շպիոն»: «Բա իրա տարածքն էլ ռեմոնտ չանի՞»,- ասաց նա: