Պետք է մեջներից ընտրենք մարդկանց, ովքեր միսիա են կատարում. Կարեն Կարապետյան

Այսօր կառավարության հետ հարցուպատասխանի ժամանակ ԱԺ ՀՅԴ խմբակցության պատգամավոր Կարեն Շահմուրադյանը հարց ուղղեց վարչապետին: Նա մեջբերեց վարչապետի այն հայտարարությունը, որ կադրային փոփոխությունները պետք է արվեն արհեստավարժության հիման վրա: Պատգամավորը նշեց, որ պրոֆեսիոնալ կադրեր միշտ էլ դժվար է գտնել, քանի որ նրանք հիմնականում աշխատում են մասնավոր հատվածում՝ ստանալով բարձր աշխատավարձ, ուստի ինչպե՞ս պետք է այդ կադրերին համոզեն աշխատել պետական ոլորտում:

Վարչապետ Կարեն Կարապետյանը պատասխանեց. «Պայմանավորվել էինք, չէ՞, անկեղծ խոսել: Չգիտեմ, իրոք, չգիտեմ, թե ոնց ենք այդ կադրերին համոզելու: Պետք է մեջներից ընտրենք այն մարդկանց, ովքեր միսիա են կատարում, և այսօր խոսել պետական ծառայողի աշխատավարձի մասին , երբ բազմաթիվ չլուծված խնդիրներ կան, ճիշտ չի լինի»,- ասաց վարչապետը՝ հավելելով, որ առաջիկայում պետք է անդրադառնան պետական կառավարման ապարատի արդյունավետ աշխատանքի հարցին, հակառակ դեպքում` որակյալ կառավարիչներ չեն կարող ունենալ: