Ֆիզկուլտուրայի դասին 11-ամյա երեխայի սիրտը կանգ է առել

Գյումրիի թիվ 21 դպրոցում այսօր 11-ամյա երեխա է մահացել:

Գյումրու Մոր և մանկան ավստրիական հիվանդանոցի գործադիր տնօրեն Աշոտ Կուրղինյանը
Yerkir.am-ի հետ զրույցում նշեց, որ երեխային արդեն մահամերձ վիճակում է շտապօգնության մեքենան բերել իրենց հիվանդանոց:

«Դեպքը գրանցվել է ֆիզկուլտուրայի դասի ժամանակ: Սրտի կանգ է գրանցվել: Երեխային  շտապօգնությունով բերել են, բայց արդեն անոմալ վիճակում:  Գրեթե մեկ ժամ տարբեր ռեանիմացիոն միջոցներ արեցինք` դեղորայքային, ապարատային, սրտի մերսումներ և այլն, արհեստական շնչառություն, բայց, ցավոք, արդյունք չունեցանք»,- ասաց Կուրղինյանը:

Հիմա երեխայի մարմինը հերձման է ուղարկվել: Ոստիկանությունը մնացած հարցերով զբաղվում է: