Գյումրու քաղաքապետի թեկնածուի որդին ինքնասպա՞ն է եղել. նրա դին հայտնաբերել են տան նկուղում

Գյումրու մանկավարժական համալսարանի նախկին ռեկտոր, ԲՀԿ-ի կողմից քաղաքապետի թեկնածու առաջադրված Վարդեւան Գրիգորյանի՝ Ապարի 26-ամյա որդու դիակը հայտնաբերել են նրանց տան նկուղում: Այս մասին Yerkir.am-ին հայտնեց ՀՀ քննչական կոմիտեի նախագահի խորհրդական Սոնա Տռուզյանը: «Դեպքի վայրում հայտնաբերվել են արյան հետքեր, «Մակարով» տեսակի ատրճանակ»,- ասաց նա:

Մեր տեղեկություններով ՝ իրավապահներն առայժմ քննարկում են նաև Արշակ Գրիգորյանի ինքնասպանության վարկածը:

Ավելի վաղ հայտնել ենք, որ հրազենային վիրավորում ստացած Արշակ Գրիգորյանը Վարդևան Գրիգորյանի 4 զավակներից կրտսերն էր՝ 26 տարեկան: Նրան Գյումրու Պոլիգոններ թաղամասից հիվանդանոց են տեղափոխել արդեն մահացած: Մեր աղբյուրների խոսքով՝ Արշակը համեստ երիտասարդ էր, երբևէ աչքի չի ընկել քրեական պատմություններով:

Կատարվածը սպանությո՞ւն է, թե՞ ինքնասպանություն՝ կպարզեն քննիչները: