Ադրբեջանում բողոքի ակցիաներ են` մարդիկ դեմ են սահմանադրական փոփոխություններին

Ադրբեջանում երեկ զանգվածային բողոքի ակցիաներ են անցկացվել. մարդիկ դեմ են սահմանադրական փոփոխություններին. հայտնում է contact.az-ը:

Ազգային խորհրդի ղեկավար, ընդդիմադիր Ջամիլ Հասանլին հայտարարել է, որ 23 տարվա ղեկավարության ընթացքում իշխանությունները չեն լուծել որևէ խնդիր, այլ զբաղված են միայն իրենց ընտանեկան իշխանության պահպանմամբ:

«Ալիևը մտածում է, որ այդ փոփոխությունները հանգստություն և ցմահ իշխանություն կապահովեն իր համար: Սակայն երկրի ապագան որոշվում է ոչ թե այնտեղ, այլ հրապարակներում, որտեղ դժգոհ ժողովուրդը կասի իր խոսքը`չնայած հետապնդումներին և ռեպրեսիաներին»,- ասել է Հասանլըն:

Համաձայն Սահմանադրությունում առաջարկվող փոփոխությունների՝ առաջարկվում է երկարաձգել նախագահի պաշտոնավարման ժամկետը մինչև յոթ տարի, ինչպես նաև ներդնել առաջին փոխնախագահի և փոխնախագահների պաշտոններ։