«Հրանտ Դինք» մրցանակը 8-րդ անգամ կգտնի իր տիրոջը

Պոլսում լույս տեսնող հայկական «Ակօս» թերթի գլխավոր խմբագիր Հրանտ Դինքի սպանության տարվանից ի վեր հանձնվող «Հրանտ Դինք» մրցանակն այս տարի` 8-րդ անգամ կգտնի իր տիրոջը:

Ըստ «Ակօս»-ի՝ սեպտեմբերի 15-ին կայանալիք միջոցառման ժյուրիի անդամներ են 2015 թվականին «Հրանտ Դինք»-ի մրցանակի դափնեկիր, մարդու իրավունքների ներկայացուցիչ Սամար Բադաուին, սցենարիստ Ատոմ Եգոյանը, մտավորական Էթեն Բալիբարը, «Լրագրողներ՝ առանց սահմաններ»-ի միության գլխավոր քարտուղար Քրիստոֆ Դելուարը, «Հրանտ Դինք» հիմնադրամի նախագահ Ռաքել Դինքն ու մի քանի գրողներ:

Մրցանակը կհանձնվի խտրականության և բռնության դեմ պայքարող, ազատ, արդար մտածող, աշխարհի բարելավման ուղղությամբ աշխատող և խաղաղության լեզուն օգտագործող՝ Թուրքիայում  կամ արտասահմանում գտնվող երկու անձանց, խմբի կամ կառույցի: