Տարածքային կառավարման նախարարությունը փորձում է մարզերում զարգացնել տարբեր արտադրություններ. Գագիկ Մակարյան

Համայնքների դերակատարումը պետք է լուրջ վերանայվի, ինչն էլ փորձում է անել տարածքային կառավարման և զարգացման նախարարությունը. այսօր լրագրողներին ասաց Գործատուների հանրապետական միության նախագահ Գագիկ Մակարյանը:

Ըստ նրա` այս կառավարության քայլերն ավելի գործնական ու իրական են, քան նախորդինը:

«Ողջունելի է տարածքային կառավարման և զարգացման նախարարության աշխատանքը, քանի որ ինձ շատ է դուր գալիս, որ նրանք` հանձին նախարարի, փորձում են մարզերում զարգացնել տարբեր արտադրություններ: Խնդիրն այն է, որ մարզերն իրենք նորմալ սոցիալ-տնտեսական ծրագրեր չեն կազմում, և, փաստորեն, նախարարությունն է հիմա այդ հարցերը լուծում»,- ասաց Մակարյանը:

Նրա կարծիքով` ճիշտ է, որ նախարարությունը փորձում է նաև մոտիկ և հեռու համայնքները նույն համակարգում չդիտարկել և հեռուներին ինչ-ինչ առավելություններ տալ: