Ադրբեջանը կարող է մեծացնել Ռուսաստան ներմուծվող ապրանքների ծավալները. Պուտին

Ադրբեջանական գյուղատնտեսական ապրանքների մատակարարման աճը Ռուսաստան, ինչպես նաև Ռուսաստանից պարարտանյութերի և գյուղատնտեսական տեխնիկայի արտահանումն Ադրբեջան զգալիորեն կնպաստեն երկրների միջև առևտրային կապերի զարգացմանը: Այդ մասին հայտարարել է ՌԴ նախագահ Վլադիմիր Պուտինը Ադրբեջան կայանալիք այցին ընդառաջ ադրբեջանական  АзерТАдж-ին տված հարցազրույցում. հայտնում է РИА Новости-ն:

Պուտինը հավելել է, որ Ադրբեջանի և Ռուսաստանի միջև հարաբերությունները ռազմավարական գործընկերության բնույթ ունեն. պետությունների, կառավարությունների և խորհրդարանների միջև զարգանում են վստահելի կապեր, խորանում է առևտրատնտեսական, ներդրումային, էներգետիկ, տրանսպորտային ենթակառուցվածքների, մեքենաշինության և առողջապահության ոլորտներում փոխշահավետ համագործակցությունը: