Թքած Հայաստանի վրա. Ժիրինովսկին հակահայկական մի շարք հայտարարություններ է արել

Ռուսաստանի Լիբերալ-դեմոկրատական կուսակցության ղեկավար Վլադիմիր Ժիրինովսկին հակահայկական հայտարարություններ է արել:

Ռուսական Լlife.ru-ի հետ զրույցում նա անդրադարձել է Հայաստանում վերջին օրերին տեղի ունեցած դեպքերին և հայտարարել հետևյալը. «Թքած Հայաստանի վրա»:

Լրագրողի դիտարկմանը, թե ՌԴ-ն  Հայաստանում ռազմաբազա ունի, Հայաստանը ՌԴ-ի ռազմավարական գործընկերն է, Ժիրինովսկին ասել է. «Եթե թքեն մեր վրա, դուրս կբերենք բազան: Ոտքերներիս տակ կընկնեն, որ հետ տանք բազան: Այդ բազան իրենց փրկությունն է. երկու կողմից նրանց կոչնչացնեն`մի կողմից թուրքերը, մյուս կողմից՝ ադրբեջանցիները: Դրա համար Հայաստանի մասին պետք չէ անհանգստանալ: Նրանք մեզանից երբեք  չեն հրաժարվի: Դա կլինի նրանց վերջը»: