Բոլորս պետք է պայքարենք կոռուպցիայի դեմ. Գագիկ Բեգլարյան

Այսօր լրագրողները տրանսպորտի և կապի, նաև արտակարգ իրավիճակների նախարարներից հետաքրքրվեցին, թե ինչպե՞ս կմեկնաբանեն ֆինանսների նախարար Գագիկ Խաչատրյանի ու նրա հարազատների ունեցած` չհայտարարագրված ճոխ անշարժ գույքի մասին հրապարակումները:

Գագիկ Բեգլարյանը նախ նշեց, որ այդ հարցի հասցեատերն ինքը չէ, ապա հավելեց. «Նույնն է, թե ես լրագրողներից հարցնեմ կոռումպացված ու ձերբակալված լրագրողների մասին ու պահանջեմ պայքարել նրանց դեմ: Կոռուպցիայի դեմ պայքար ասելով` պետք է հասկանալ կոռուպցիա բոլոր ոլորտներում, բոլոր դաշտերում: Մենք բոլորս պետք է պայքարենք կոռուպցիայի դեմ: Գագիկ Խաչատրյանի դեպքում երևի հերյուրանք է, անհնար է` նա ունենա մի բան, բայց չհայտարարագրի»: Նա հավելեց, որ ինքն էլ չունի չհայտարարագրված ունեցվածք:

Արմեն Երիցյանն էլ ասաց. «Ես այդ առիթով ոչինչ չեմ կարող ասել, իրեն հարցրեք»: