Տիգրան Մանսուրյանը` «Ոսկե ծիրան»-ի ժյուրիի նախագահ

Այս տարի բավական երկար են մտածել, թե ով պետք է լինի «Ոսկե ծիրան» կինոփառատոնի ժյուրիի նախագահը, և ընտրությունը կանգ է առել Տիգրան Մանսուրյանի վրա. այսօր լրագրողներին հայտնեց «Ոսկե ծիրան» ՄԿՓ-ի հիմնադիր  տնօրեն Հարություն Խաչատրյանը:

Նա կարծիքով` մենք ունենք մարդիկ, որոնց պետք է աշխարհը տեսնի և ճանաչի: «Մանսուրյանին բոլորն են սիրում` թե՛ երաժշտությունը, թե՛ անձը, թե՛ որպես քաղաքացի: Երբեմն ես վախենում եմ, քանի որ մտածում եմ, որ եթե «Ոսկե ծիրան»-ը չլինի, մեր մեծերին ոչ ոք չի հիշի: Չէ, կհիշեն, բայց նրանց պետք է հիշել ոչ միայն հոբելյանների ժամանակ»,- ասաց Խաչատրյանը:

Ի դեպ, այս տարի կինոփառատոնին կմասնակցի ևս երկու աստղ` Ռուբեն Գևորգյանցը և Ռոման Բալայանը: Խաչատրյանը հայտնեց, որ Ռուբեն Գևորգյանցին կհանձնեն «Փարաջանովյան թալեր» և «Անահիտ» մրցանակները, իսկ Բալայանը «Եղեցի լույս» մրցանակին կարժանանա: