Սեֆիլյանին այցելելու նպատակահարմարություն չի տեսնում

Ժիրայր Սեֆիլյանի ձերբակալությունը բացարձակապես քաղաքական նպատակներ չի հետապնդել. այսօր, պատասխանելով լրագրողների հարցին` արդյո՞ք Ժիրայր Սեֆիլյանի ձերբակալությունը քաղաքական ենթատեքստ ուներ, ասաց ԱԺ ՀՀԿ խմբակցության քարտուղար Գագիկ Մելիքյանը:

«Իհարկե, նման խոսակցություններ կան մամուլում, բայց այդ խոսակցությունները ոչ մի առնչություն չունեն այդ ձերբակալության հետ: Այդ ձերբակալությունը իրավական խնդիր է` քրեական դաշտում գտնվող, և հետաքննությունը կտա բոլոր հարցերի պատասխանը»,- նշեց պատգամավորը:

Հարցին, թե ՀՀԿ-ական պատգամավորները հնարավո՞ր է գնան ձերբակալված Սեֆիլյանին տեսակցելու, Գագիկ Մելիքյանը պատասխանեց. «Անձամբ ես նման նպատակահարմարություն չեմ տեսնում»: