Ժամանակը ցույց կտա` Ադրբեջանը կգնա՞ հետաքննական մեխանիզմների ներդրմանը, թե՞ ոչ. Շավարշ Քոչարյան

Դեռևս  հայտնի չէ Սարգսյան-Ալիև հանդիպման օրը. այսօր լրագրողների հետ զրույցում ասաց ԱԳ փոխնախարար Շավարշ Քոչարյանը: 

Դիտարկմանը, թե Ադրբեջանը շարունակում է պնդել, որ հայկական կողմն է դիմել Ռուսաստանին` զինադադարի խնդրանքով, ԱԳ փոխնախարարը պատասխանեց, որ Ադրբեջանի ստերն անվերջ են:

Սահմանին հետաքննական մեխանիզմների ներդրման հետ կապված` նա նշեց, որ դրա մասին առաջինը հայկական կողմն է բարձրաձայնել, նույնը վերաբերում է դիպուկահարների հետքաշմանը, մոնիտորինգային գործընթացին, այսինքն` Կասպրշիկի գործառույթների  ավելացմանը:

«Արդեն անընդունելի է, երբ բացահայտ գիտեն, թե որ կողմն է անընդհատ խախտում զինադադարը, սակայն կոչերը հասցեական չեն»,- ասաց Շավարշ Քոչարյանը` հավելելով, որ կողմերը արդեն քննարկում են հետաքննության մեխանիզմների ներդրման փաստաթղթերը, և ժամանակը ցույց կտա` Ադրբեջանը կգնա՞ դրան, թե՞ ոչ: