Ըստ Փաշինյանի` Հայաստանը պետք է ապացույցներ ներկայացնի

Այսօր ԱԺ հերթական քառօրյա նիստում օրակարգին անցնելուց առաջ ԱԺ ՀԱԿ խմբակցության պատգամավոր Նիկոլ Փաշինյանը վարման կարգով ելույթ ունեցավ` ասելով, որ օտարերկրյա դիվանագիտական ներկայացուցիչների կողմից հնչում են հայտարարություններ, որոնցից կարելի է եզրակացնել, որ Հայաստանը բավարար ջանք չի գործադրում ԼՂՀ-ին բանակցային գործընթացում ներգրավելու համար: Ըստ պատգամավորի` ժամանակն է, որ ՀՀ իշխանությունները ներկայացնեն ապացույցներ, որ ՀՀ-ն բավարար ջանքեր է գործադրում այդ ուղղությամբ:

«ԼՂ-ն պետք է օր առաջ ներգրավվի բանակցային գործընթացի մեջ: Անընդունելի է, որ ՀՀ-ն ԱԺ-ի հետ քննարկի ԼՂ կարգավորման որևէ հարց` առանց ԼՂ ներկայացուցիչների մասնակցության»,- ասաց Նիկոլ Փաշինյանը:

Գալուստ Սահակյանը նշեց, որ այդ հարցերը լրջորեն քննարկվել են, և որ պատգամավորը կարող է դիմել ԱԺ արտաքին հարցերի հանձնաժողով: