Վարչական իրավախախտումների վերաբերյալ նոր օրենքի նախագիծ է մշակվում

Այսօր ԱԺ-ում լսումներ են կազմակերպվել` «Ճանապարհային երթևեկության անվտանգության ապահովման օրենսդրական և իրավակիրառ հիմնախնդիրները» թեմայով:

Արդարադատության նախարարի տեղակալ Արսեն Մկրտչյանը նշեց, որ վարչական իրավախախտումների վերաբերյալ նոր օրենքի նախագիծ է մշակվում, որն առաջիկայում կներկայացվի հանրային քննարկման: Մասնավորապես` փոփոխություն կկատարվի` տեսանկարահանող սարքերի ակտերի` ուժի մեջ մտնելու հարցի հետ կապված:

Փոխնախարարի խոսքով` բազմաթիվ բողոքներ կան, և ԱԺ պատգամավորները հարցում են ուղարկել այն մասին,  որ ակտերն ուղարկվում են, դրանից հետո մարդիկ  չեն կարողանում բողոքարկել:

«Այս իրավունքի իրացման ապահովման համար ամրագրել ենք, որ վարչական իրավախախտումն ուժի մեջ չի մտնում միանգամից, իսկ եթե բողոքարկվում է, կազմակերպվում են լսումներ, հարցը քննարկվում է: Միայն չբողոքարկման դեպքում է ակտը մտնում ուժի մեջ: Հնարավորություն է ստեղծվում անհամաձայնության դեպքում իրականացնել ամբողջ վարույթը»,- ասաց փոխնախարարը: