Մայիսի 13-ին, ժամը 21.52-ին ահազանգ է ստացվել, որ Երևանի Արտաշիսյան փողոցի թիվ 27 դպրոցի մոտ՝ ձորում, կախված դի է հայտնաբերվել. անհրաժեշտ է փրկարարների օգնությունը:

Դեպքի վայր է մեկնել ՀՆՓԱԻ կենտրոնի փրկարարական ջոկատը և ՃԿԱԿ օպերատիվ խումբը:

Պարզվել է, որ Արտաշիսյան փողոցի թիվ 52 հասցեի մոտ գտնվող ձորում հայտնաբերվել է ծառից կախված 1990 թ. ծնված Հ. Հ.-ի դին:

Փրկարարները ծառից իջեցրել են դին, մոտ 700 մ տեղափոխելով՝ դուրս բերել ձորից և մոտեցրել դի տեղափոխող ավտոմեքենային:

Ըստ Shamshyan.com-ի՝ դեպքի վայրում հավաքվածներն ասում էին, որ կախված տղամարդը կասկածվում էր երեկ` մայիսի 13-ի առավոտյան Մաշտոց վարչական շրջանում քույր և եղբայր` Շողիկ և Շավարշ Արմենակյաններին սպանելու մեջ:

Ավելի վաղ հայտնել էինք, որ Երևանում սպանվել են քույր և եղբայր, իսկ նրանց հայրը վիրավոր է: