Արաբկիր վարչական շրջանի ղեկավարն այցելել է «Կորյայի ձոր»

Արաբկիր վարչական շրջանի ղեկավար Հովհաննես Վարդանյանն այսօր  այցելել է Շրջանցիկ թունել, բոլորին որպես «Կորյայի ձոր» հայտնի թաղամաս:

Ժամանակին այստեղ գործող գիշերօթիկ դպրոցն այժմ ծառայում է հոգեկան առողջության խնդիրներ ունեցող անձանց խնամքի կենտրոն: Տարածքի բնակիչները խնդրել են խաղահրապարակ կառուցել, հաշվի առնելով, որ երեխաներն այլևս չեն կարողանում ազատ ժամանակն անցկացնել նշված հաստատության բակում: Աշխատանքային շրջայցի ժամանակ բնակիչներից բացի, հանդիպել է նաև խնամքի կենտրոնի տնօրենի հետ: Միասին տարածքն ուսումնասիրել են և քննարկել խնդրի լուծման հնարավոր տարբերակները: Վարդանյանը մասնագետներին հանձնարարել է կրկին մանրամասն դիտարկումներ կատարել և ներկայացնել նոր նախագծեր: Ողջամիտ ժամկետներում հարցը կկարգավորվի: