Գումարի կեսն արդեն վճարվել է քաղցրաշենցիներին. գյուղնախարար

Անցյալ շաբաթ կառավարության շենքի առաջ բողոքի ցույց էին անում Արարատի մարզի Քաղցրաշեն համայնքի բնակիչները: Նրանք 8 ամիս առաջ մթերողներին  հանձնել էին իրենց խաղողի բերքը, մինչ այժմ չստանալով դրա գումարը: Նրանք չէին մեղադրում մթերողներին, ասելով, որ մթերողներին էլ համոզել է գյուղատնտեսության նախարարը: Քաղցրաշենցիները հանդիպել էին նաև վարչապետի հետ: Վերջինս խոստացել էր հարցին լուծում գտնել:

 Yerkir.am-ի հարցին, թե ինչ լուծում ստացավ քաղցրաշենցիների խնդիրը, գյուղատնտեսության նախարար Սերգո Կարապետյանը նշեց.«Գումարի կեսն արդեն վճարել են, մնացած մասն էլ մթերողները խոստացել են վճարել մինչև մայիսի վերջը, և նրանք այլևս բողոք չունեն»: