Թուրքիայի փոխվարչապետը Լավրովի հայտարարությունը «անհաջող» է որակել

Թուրքիայի փոխվարչապետ Նուման Քուրթուլմուշը արձագանքել է Ռուսաստանի ԱԳ նախարար Սերգեյ Լավրովի այն հայտարարությանը, թե ռուս-թուրքական հարաբերությունները  մոտ ապագայում չեն կարգավորվի:

Ըստ Hurriyet-ի` Թուրքիայի փոխվարչապետը նշել է, որ Թուրքիան Ռուսաստանի դեմ թշնամաբար տրամադրված չէ: Նրա խոսքով` ռուս-թուրքական հարաբերությունները պատմական արմատներ ունեն:

«Թուրքիան և Ռուսաստանը տնտեսական, առևտրային, քաղաքական հարթակներում մոտ հարևաններ են և ունեն բարեկամական հարաբերություններ: Ասել ենք,  որ մեկ անցանկալի իրադարձության պատճառով ո'չ Թուրքիան Ռուսաստանից, ո'չ էլ Ռուսաստանը Թուրքիայից  չի հրաժարվի»,- ասել է Քուրթուլմուշը` այնուամենայնիվ, Լավրովի  վերոնշյալ հայտարարությունը «անհաջող» որակելով: