Ադրբեջանցուն Ռուսաստանում դատել են` ահաբեկիչներին ֆինանսավորելու մեղադրանքով

Մոսկվայի շրջանային ռազմական դատարանը Լիպեցկում անցկացված արտագնա նիստում 5 տարվա ազատազրկման և 200 հազար ռուբլի տուգանքի է դատապարտել ադրբեջանցի Գաչայ Թաղիօղլու Հաջիևին: Նա մեղադրվում է Սիրիայում  գործող «Ջունդ աշ Շամ» ահաբեկչական խմբավորմանը ֆինանսավորելու մեջ. հայտնում է kommersant.ru-ն:

Հետաքննության տվյալներով` Լիպեցկում խնձորի առևտրից ստացած եկամտի մի մասը Հաջիևն ուղարկել է Սիրիայում ահաբեկչական խմբավորման կազմում կռվող եղբորը:

Ադրբեջանցու` Ռուսաստանում բնակվող հարազատները պնդում են, թե նա ամենևին չի ֆինանսավորել ահաբեկիչներին, այլ օգնել է եղբոր ընտանիքին և, ընդհանուր առմամբ, ընդամենը 5 հազար դոլար է ուղարկել Սիրիա: