«Հայերից ցավակցություն ակնկալելո՞ւ եք». Էրդողանի ապրիլքսանչորսյան ուղերձը հիստերիայի մեջ է գցել ազգայնամոլ պատգամավորին

Թուրքիայի նախագահ Ռեջեփ Թայիփ Էրդողանի ապրիլքսանչորսյան ուղերձը դժգոհությունների ալիք է բարձրացրել երկրում: 

Ըստ Sozcu-ի` «Ազգային շարժում» ծայրահեղական կուսակցության պատգամավոր, հակահայ գործունեությամբ հայտնի Յուսուֆ Հալաչօղլուն, ներկայացնելով թուրքական քարոզչական թեզեր, պնդել է, թե իբր 1915 թվականին հայերը սպանել են 518 301 թուրք: «Այդ ժամանակ հայերը ապստամբություններ են բարձրացրել: Այդ զոհերի համար հայերից ցավակցություն ակնկալելո՞ւ եք»,- նա հարց է ուղղել Էրդողանին:

Իր հայտարարությունների մեջ հայերին բազմիցս մեղադրանքներ առաջադրած ազգայնամոլ ղեկավարն այնուհետև հայերին և Թուրքիայում ահաբեկչական համարվող Քուրդիստանի բանվորական կուսակցության զինյալներին նույնականացրել է: «Նրանց միջև տարբերություն կա՞, պարո'ն նախագահ»,- ասել է նա: