Սեյրան Օհանյանը ոչ թե պետության կողմից, այլ որպես նախարար է հողերի հանձնման մասին կարծիք հայտնել

Սեյրան Օհանյանը երեկ Ծիծեռնակաբերդում նշել էր, որ Հայաստանը ոչ մի թիզ հող էլ չի տալու Ադրբեջանին: Այսօր լրագրողների հետ հանդիպման ժամանակ պաշտպանության նախկին նախարար Վաղարշակ Հարությունյանը, անդրադառնալով Օհանյանի հայտարարությանը, նշեց, որ նա նման կարծիք է հայտնել որպես պաշտպանության նախարար: «Նա պետության կողմից չի ասել, այլ, որպես պաշտպանության նախարար, իր տեսակետն է ներկայացրել»,- ասաց Հարությունյանը:

Դիտարկմանը, որ Ղարաբաղն էլ դեմ է Մադրիդյան սկզբունքներին և մինչ օրս չի ստորագրել դրանց տակ, նա պատասխանեց, որ Ղարաբաղը մի փոքր այլ տեսակետ ունի` հարցի հետ կապված, դիվանագիտություն է:

Մյուս կողմից, ըստ Հարությունյանի, հիմա Ադրբեջանի հետ բանակցությունների սեղանի շուրջ նստել  չի ստացվի: Ինչպես նախագահ Սերժ Սարգսյանն էր ասել, մինչև վստահության մթնոլորտը չվերականգնվի, բանակցությունների մասին խոսք լինել չի կարող: