Թուրքիայում դադարեցվում է Հայկական հարցի մասին բարձրաձայնած Radikal թերթի գործունեությունը

Թուրքիայում հայտնի Dogan հոլդինգին պատկանող Radikal օրաթերթը մարտի 25-ից դադարելու է գործունեությունը:

Ըստ T24-ի՝ 1996 թվականին հիմնված թերթը երկու տարի առաջ դադարել էր տպագրվել և իր գործունեությունը շարունակում էր ծավալել համացանցային տարբերակով: Որպես կայքի փակման պատճառ նշվել են «տնտեսական խնդիրները»:

Radikal-ի գլխավոր խմբագիր Ջեմ Էրջիյեսը, հաստատելով թերթը փակելու վերաբերյալ խոսակցությունները, հայտնել է, որ թերթի աշխատակիցների մի մասը տեղափոխվելու է Hurriyet, իսկ մեծ մասը գործազուրկ է դառնալու:

Նշենք, որ Radikal-ը թուրքական հազվագյուտ թերթերից է, որը Հայկական հարցի մասին բազմաթիվ հոդվածներ է տպագրել: