Խորհրդակցություն-քննարկում` էկոնոմիկայի նախարարությունում

Մարտի 18-ին էկոնոմիկայի նախարար Արծվիկ Մինասյանն աշխատանքային քննարկում-խորհրդակցություն է անցկացրել նախարարության պատասխանատուների մասնակցությամբ:

Քննարկման առանցքում եղել են հայ-իրանական և հայ-ավստրիական տնտեսական կապերի զարգացման նոր հնարավորություններն ու փոխգործակցությունը, այս համատեքստում` ՀՀ նախագահի հանձնարարականների կատարողականի վերաբերյալ հարցեր:  

Ներկայացվել են Իրանի և Ավստրիայի հետ տնտեսական տարբեր բնագավառներին վերաբերող հարցեր, նշվել է ներդրումային քաղաքականության ու արտահանման խթանման կարևորությունը, անդրադարձ է եղել Հայաստանի մշակութային գրավչությանն ու զբոսաշրջության զարգացմանն առնչվող խնդիրներին: 
Ծավալված քննարկման ավարտին նախարար Արծվիկ Մինասյանը տվել է հանձնարարականներ: 

Առաջիկայում նմանատիպ քննարկում-խորհրդակցություն կկայանա հայ-ֆրանսիական առևտրատնտեսական կապերին վերաբերող հարցերի առնչությամբ: